Өмнөд Солонгосын технологи үйлдвэрлэгч “Samsung” электроникс компани энэ жил “Galaxy ring” нэртэй эрүүл мэндийн шинэ технологи танилцуулна гэдгээ мэдэгдлээ. Энэ технологи нь Apple watch-тай төстэй үйлдэлтэй, зүүсэн хүнийхээ биеийн байдлыг мэдэрч, мэдээлэл өгдөг бөгж хэлбэртэй технологи байх юм байна. “Samsung” компанийн гар утас үйлдвэрлэгч салбарын захирал У Тэ Мүн хэвлэлд өгсөн мэдээлэлдээ “хүмүүс биеийн байдлаа хянахын тулд байнга цаг зүүх нь зарим тохиолдолд тухгүй байдаг. Тиймээс “Samsung” компани Galaxy ухаалаг цагаа цаашид улам хөгжүүлж, ухаалаг бөгж үйлдвэрлэхээр шийдсэн” гэж тайлбарласан байна.

Шинэ ухаалаг бөгж нь ухаалаг цагийн бодвол илүү удаан хугацаанд зүүх зориулалттай тул батарей нь ч илүү урт настай байна гэдгийг онцолжээ.