Их Британид анх илэрсэн, хурдан тархалттай коронавирусний мутацид орсон шинэ төрөл Европоос гадна Ойрх Дорнод, Ази, Африк, Австрали, Канадад бүртгэгдсэн байна. Өчигдөр хамгийн сүүлд Өмнөд Солонгос улсад коронавирусний шинэ төрөл илэрчээ.

Их Британи коронавирусний хурдан тархалттай шинэ төрөл илэрснийг зарлаж, хөл хорио тогтоосноос хойш өнгөрсөн 7 хоногоос дэлхийн хэд хэдэн улс Их Британиас нислэг хүлээж авахаа зогсоосон юм.

Одоогоор коронавирусний мутацид орсон шинэ төрөл Их Британи, Өмнөд Африк, Нигери, Канад, Япон, Сингапур, Өмнөд Солонгос, Нидерланд, Испани, Итали, Франц, Швед, Швейцари, Йордан, Леван зэрэг дэлхийн 20 орчим улсад бүртгэгджээ.

Дээрх улс орнуудад бүртгэгдсэн вирусийн шинэ төрөл ихэвчлэн Их Британиас ирсэн нислэгээр дамжиж орж ирсэн байна. Их Британийн вирус судлаачид коронавирусний мутацид орсон шинэ төрөл өмнөхөөсөө илүү хурдтай тархаж байгаа боловч хүнд хэлбэрийн шинж тэмдэг илрээгүй байна, гарган авсан вакцин шинэ төрлөөс сэргийлнэ гэж үзэж байгаа юм байна.

Гэхдээ нарийвчилсан судалгаа давхар хийгдэж, хэрэв одоо гарган авсан вакцин шинэ төрөлд үйлчлэхгүй бол вакциныг шинэ төрөлд үйлчлэх жороор гаргах чиглэлд вирус судлаачид судалгаа хийж байгаа юм байна.