Шууд Chart

Сонгомол, чөлөөт бөхийн Азийн АШТ-д Монголын 23 бөх барилдана

2025-03-17 11:24:29

Йордан улсын Амман хотод сонгомол болон чөлөөт бөхийн насанд хүрэгчдийн Ази тивийн аварга шалгаруулах тэмцээн гуравдугаар сарын 25-31-нд болох бөгөөд нийт 378 тамирчин өрсөлдөхөө мэдүүлжээ.
 
Харин манай улсаас чөлөөт бөхийн төрөлд Үндэсний шигшээ багийн эрэгтэйчүүдийн багийн ахлах дасгалжуулагч Д.Гомбодорж, дасгалжуулагч Ж.Чулуунбат, Г.Амархүү, эмэгтэйчүүдийн багийн ахлах дасгалжуулагч С.Сүхбаатар, дасгалжуулагч Б.Одончимэг, Ө.Ууганбаяр нарын удирдлага дор нийт 20 тамирчин оролцох бол сонгомол бөхийн төрөлд дасгалжуулагч С.Мөнхсүхийн удирдлага дор гурван тамирчин зодоглоно.
 
Чөлөөт бөхийн энэ оны УАШТ-нд түрүүлсэн тамирчин тивийн дэвжээнд хүч үзэх ба тус тэмцээн 1979 оноос эхлэлтэй. Тэгвэл монголчууд чөлөөт бөхийн Азийн АШТ-ээс анхлан медаль хүртсэн нь 1989 он юм.
 
Япон улсад болсон тус тэмцээнээс 48 кг-ын жинд Ч.Батбадрал, 68 кг-д Х.Амараа, 82 кг-д П.Сүхбат нар алтан медаль хүртсэн бол 130 кг-д А.Баатархүү мөнгө, 74 кг-д Л.Энхбаяр, 90 кг-д Ч.Бямбадорж нар хүрэл медальтай ирж байв.
 
Монголын чөлөөт бөхийн баг 1979 оноос энэ тэмцээнд тасралтгүй оролцохдоо 1999 оноос бусад жилүүдэд медальтай ирсэн билээ.
 
Ази тивийн аварга шалгаруулах тэмцээнд оролцох бүрэлдэхүүн:
 
Чөлөөт бөх: Эрэгтэй
 
57 кг: Б.Мөнх-Эрдэнэ
61 кг: Т.Түвшинтулга
65 кг: Ц.Цогбадрах
70 кг: Т.Тулга
74 кг: Б.Батбаяр
79 кг: О.Сүлдхүү
86 кг: Н.Батбилгүүн
92 кг: Б.Бат-Эрдэнэ
97 кг: Г.Ганхуяг
125 кг: М.Лхагвагэрэл
 
Эмэгтэй
 
50 кг: Б.Мөнхнар
53 кг: Ч.Отгонтуяа
55 кг: Б.Отгонтуяа
57 кг: Х.Болортуяа
59 кг: Т.Алтжин
62 кг: С.Цэрэнчимэд
65 кг: Т.Энхжин
68 кг: Э.Дэлгэрмаа
72 кг: З.Болортунгалаг
76 кг: Э.Даваанасан
 
Сонгомол бөх: Эрэгтэй
 
55 кг: М.Сумъяабазар
63 кг: Н.Ганбаяр
77 кг: Н.Оргил
 
Эх сурвалж: Биеийн тамир, спортын улсын хороо

Сонгомол, чөлөөт бөхийн Азийн АШТ-д Монголын 23 бөх барилдана  
Үзсэн: 118 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй