Үндэсний телевиз
Цагийн хүрд
Найм арваннэг
Орон нутгийн цагаар өглөөний 6 цагийн орчимд Хонг-Конгоос Киргизстаны нийслэл Бишкек хотыг зорьж явсан ачаа тээврийн "Бойнг-747" онгоц замдаа осолдсон талаар Киргизийн онцгой байдлын сайд мэдэгдлээ. Онгоц осолдсон эхний шалтгааныг цаг агаарын хүнд нөхцөл байдалтай холбон тайлбарлаж байгаа юм.
Уг ачаа тээврийн онгоц "Туркиш эйрлайнс" компанийн онгоц байсан бөгөөд нисэх буудлаас холгүй хэдхэн км-ийн зайд, тосгоны айлуудын байшингуудыг дайран унасан байна. Одоогийн байдлаар ослын улмаас 20 хүн амиа алдсаны дотор 6 нь хүүхэд байсан гэж мэдээллээ. Харин нисэх багийн 4 гишүүн бүгд амиа алдсан тухай Киргизийн онцгой байдлын яамнаас мэдэгдэж байгаа юм.
Түүнчлэн 15 айлын байшин, энэ ослын үеэр гэмтэж сүйджээ. Одоогоор ослын газарт холбогдох ажилтнууд хэргийн газрыг хамгаалалтад аван мөрдөх ажиллагаа явуулж байгаа бөгөөд, онгоцны үзэгдэх орчин хязгаарлагдаж, өтгөн манантай байснаас онгоц осолдсон байж болзошгүй гэх эхний дүгнэлтийг гаргаад байгаа юм.
| Туркийн ачаа тээврийн онгоц осолджээ | ||
| Үзсэн: 807 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.