АНУ-ын 44 дэх ерөнхийлөгч Барак Обамагийн ерөнхийлөгчийн бүрэн эрх дуусч байгаад АНУ-ын иргэд гунигтай байгаа гэнэ. Тэгвэл тэдгээр хүмүүсийн нэг болох Кенийн зураач Еван Еэгон нь Америкийн нэртэй улс төрчдийн хөрөг зургийг зуржээ. Тэрээр өөрийн зургийн студидээ улс төрч хүмүүсийн хөргийг зурж өлгөсний дотор АНУ-ын  44, 45 дахь ерөнхийлөгчид болох Барак Обама болон Доналд Трамп нарыг бусдаас илүүтэйгээр онцлон, дүрслэн зуржээ. Тэрээр энэ бүтээлүүдээ Еэгонизр хэмээн нэрлэсэн байна.

Барак Обамагийн хөрөг зургийг 1000 ам долларын өртгөөр зурж байгаа бол Доналд Трампын хөргийг одоо зурж эхэлж байгаа аж. Доналд Трампын хөрөг нь илүү олон алагласан өнгөнөөс бүрдсэн ба түүний нүүрний хувирал болон гарны хөдөлгөөнийг зурагтаа илүү тодруулан тусгаж өгчээ. Еван хэлэхдээ “Доналд Трамп бол сонирхолтой зан характертай сонирхолтой ч хүн тийм учраас би зурахаар шийдсэн. Түүний гаргадаг нүүрний хувирал, гарны хөдөлгөөнгүйгээр түүнийг төсөөлөхөд бэрх, тиймээс түүнийг нь зурагтаа илүү  тусгаж өгөхийг хичээсэн” гэжээ.

Мөн тэрээр шинэ ерөнхийлөгчид тийм ч таатай бус байгаа хэдий ч цаг хугацааны эрхээр бүгд түүнийг хайрлах байх гэдгээ ч илэрхийллээ. Одоогийн байдлаар Ерөнхийлөгч Барак Обамагийн хөрөг зураг  28 хувь борлогдоод байгаа  бол шинээр сонгогдоод байгаа ерөнхийлөгч Доналд Трампын хөрөг ганцхан хувь борлогдсон байна. Үүгээрээ ерөнхийлөгч асан Барак Обама нь улс орныхоо болоод иргэдийнхээ өмнө хүлээсэн үүргээ сайн биелүүлж чадсан гэдгээ дахин нэг удаа нотлон харуулж байгаа юм.