АНУ-ын Сенатын гишүүд ОХУ-ын хэрэгжүүлж байгаа хийн болон газрын тосны хоолой барих төслүүдэд хөрөнгө оруулалт хийсэн, дэмжсэн хүмүүст  хориг арга хэмжээ авах бүрэн эрхийг Ерөнхийлөгчид олгохоор төлөвлөж буй юм байна. Ийм зүйл заалт Оросын  эсрэг шинээр хориг  арга хэмжээ авах  тухай нэмэлт өөрчлөлтөд багтжээ. Энэ 7 хоногтоо  багтааж  Сенат нэмэлт хориг арга хэмжээ авах шийдвэрийг батлахаар төлөвлөж байна гэсэн мэдээлэл ч байна.

Нэмэлт өөрчлөлтийг Иранд үзүүлэх дарамт шахалтыг нэмэгдүүлэх тухай хуулийн төсөлд оруулахаар төлөвлөж буй юм байна. Энэ хуулийн төслийн нэг  заалтад АНУ-ын Ерөнхийлөгч экспортод гаргах эрчим хүчний эх үүсвэрийн нийлүүлэлтэд  зориулсан  хоолой барихад  дэмжлэг үзүүлбэл,  мэдээлэл  технологи,  бараа үйлчилгээгээ санал  болгож худалдсан, түрээсэлсэн, хөрөнгө оруулалт хийсэн хүмүүсийн эсрэг  хориг арга хэмжээ авах  боломжтой хэмээн  тэмдэглэсэн байгаа юм байна. 

Ийнхүү АНУ-ын Конгрессын дээд танхимынхан Орост технологийн дэмжлэг үзүүлэхэд нь хориг тавихыг хүсч байна. Мөн Америкийн төрийн тэргүүнд   Оросын газрын тосны олборлолтын төслүүдэд их хэмжээний хөрөнгө оруулалт хийсэн гадны иргэдийн хар жагсаалт гаргах үүрэг хүлээлгэхээр  төлөвлөж буй юм байна. Түүнчлэн шинэ хориг арга хэмжээнд нэрс нь орсон аж ахуйн нэгж, хувь хүмүүст Америкийн экспорт, импортын банкны  дэмжлэг олгохгүйн зэрэгцээ экспорт хийх эрхээ ч хасуулахаар байгаа юм байна.