Үндэсний телевиз
Цагийн хүрд
Найм арваннэг
Өвөрхангай аймгийн Хархорин суманд үйл ажиллагаа явуулдаг "Мөнх урлах" оёдлын үйлдвэр 2011 оноос үйл ажиллагаагаа эхлүүлсэн. 6-8 хүн тогтмол цалинжуулан ажиллуулдаг байсан бол коронавирусний цар тахал гарснаар борлуулалтгүй болж өнөөдөр дөрвөн хүний орон тоотойгоор ажиллаж байна.
Энэ мэтчилэн коронавирусний цар тахлаас шалтгаалж аж ахуй нэгжүүдийн үйл ажиллагаа доголдож, зарим иргэн ажлын байргүй болж байна.
Энэ үйлдвэр Монгол хувцасыг олноор үйлдвэрлэж, Улаанбаатар, Архангай зэрэг газарт салбар нээн борлуулалтаа хийдэг байсан. Харин хөл хорионоос шалтгаалж бараа бүтээгдэхүүнээ байнга түгээх боломжгүй болсноос гадна иргэдийн худалдан авалт буурч борлуулалт 10 хувьтай болсон байна. Иймээс Архангай, Улаанбаатар хот дахь лангуугаа татан буулгажээ.
"Мөнх урлах" үйлдвэрийн Хархорин худалдааны төв дэх лангууны бараа ч мөн борлуулагдахаа больсон байна. Барааны захаар үйлчлүүлэх иргэдийн тоо буурч орлогогүй өнжих өдрүүд олон болжээ.
| Аж ахуйн нэгжийн үйл ажиллагаа доголдож, зарим иргэн ажлын байргүй болж байна | ||
| Үзсэн: 486 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.