Үндэсний телевиз
Цагийн хүрд
Найм арваннэг
АНУ-ын Ерөнхийлөгч нь "Цагаан ордон"-д албан ажлаа явуулахын зэрэгцээ гэр бүлээрээ амьдардаг уламжлал эртнээс тогтсон. Тэгвэл АНУ-ын шинээр сонгогдсон Ерөнхийлөгч Дональд Трампын гэргий, хүүхэд нь хэсэг хугацаанд "Цагаан ордон"-д амьдрахгүй талаар мэдэгдлээ.
Дараагийн төрийн тэргүүн тангарагаа өргөж, бүрэн эрхийн хугацаа нь албан ёсоор эхэлмэгц "Цагаан ордон"-д гэр бүлийн хамтаар нүүж ирэх ёстой боловч Трампын хүү Бэрроныг ирэх жил сургуулиа төгссөнийх нь дараа тэргүүн хатагтай Меланиа Бэрроны хамт "Цагаан ордон"-д нүүж очих болжээ.
Ерөнхийлөгчийн тангараг өргөх ёслол ирэх оны нэгдүгээр сарын 20-нд болно. Харин Трамп, Меланиа нарын хүү, өдгөө 10 настай Бэрроны хичээлийн жил ирэх хавар дуусах юм байна.
Түүнийг Нью-Йоркоос Вашингтон руу шилжүүлэхэд Трампынхан дургүй байгаа тул ийнхүү сургуулиа төгсөхийг нь хүлээхээр шийджээ. АНУ-ын ихэнх дунд сургуулийн хичээлийн жил хаврын сүүлч юм уу, зуны эхэн сард дуусдаг. Энэ үеэр Ерөнхийлөгчийн гэр бүлийнхэн халуун ам бүлээрээ "Цагаан ордон"-д аж төрөх юм байна.
| АНУ-ын шинэ тэргүүн хатагтай хүүгийнхээ хамт хэсэг хугацаанд "Цагаан ордон"-д амьдрахгүй | ||
| Үзсэн: 715 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.