Үндэсний телевиз
Цагийн хүрд
Найм арваннэг
Иран улс цөмийн зэвсэг үйлдвэрлэхэд хэрэглэдэг 11 тонн усыг Оман улсад шилжүүлсэн тухайгаа мэдэгдсэн байна. Плутони үйлдвэрлэдэг цөмийн реакторыг хөргөхөд ашигладаг энэхүү усыг Арабын Оман улсад шилжүүлсэн тухай Ираны цөмийн хөтөлбөрийг удирдаж байгаа Али Акбар Салех өчигдөр албан ёсоор мэдэгджээ.
Тэрээр мөн Иран улс олон улстай байгуулсан гэрээгээр хүлээсэн үүрэг амлалтаа биелүүлж, ийнхүү цөмийн зэвсэг үйлдвэрлэхэд чухал үүрэгтэй хүнд усыг өөр улсад шилжүүлсэн гэдгийг цохон тэмдэглэжээ. Иран нь цөмийн хөтөлбөрөө арилжааны чиглэлд хөрвүүлж магадгүй байгаа төдийгүй хүнд усаа гадны орнуудад зарж борлуулах сонирхолтой байгаа юм.
Олон улсын атомын эрчим хүчний агентлагийн саяхан гаргасан тайлан мэдээнд, Иран улсын хүнд усны хэмжээ өнгөрсөн оны цөмийн гэрээний дагуу зөвшөөрөгдсөн хэмжээ 130 тонноос давжээ. Энэ нь бага боловч гэрээг зөрчсөн үйлдэл гэж үзэж байгааг онцолсон байв. Оман улс нь Иран болон Өрнөдийн орнуудын хооронд цөмийн хөтөлбөрийн асуудалд зуучлагчаар ажиллаж байгаа орон юм.
| Цөмийн реакторыг хөргөх 11 тонн усыг Оманд шилжлүүлжээ | ||
| Үзсэн: 758 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.