Гүржийн  парламентын гишүүд олонхийн саналаараа Георги  Квирикашвилиг  ерөнхий сайдаар  баталлаа.  Мөн   шинэ засгийн газрын  бүрэлдэхүүнийг  ч дэмжин  баталсан байна. Ерөнхий сайд болон сайд нарын танхимын  шинэ  бүрэлдэхүүнийг дэмжиж байгаагаа парламентын 110 гишүүн илэрхийлсэн бол 19 нь татгалзсан  санал өгчээ. Гүржийн  Ерөнхий сайд  Засгийн газар  ОХУ-тай  худалдаа, эдийн засгийн  хамтын  ажиллагаагаа  хөгжүүлэх  арга хэмжээнүүдийг   үргэлжлүүлэхээ,  Европын холбоо болон  Умард Атлантын эвсэлд улс орноо  нэгтгэх үйл  явцыг  урагшлуулах болно хэмээн  амласан  байна.

Сайд  нарын  шинэ танхимын  бүрэлдэхүүний тухайд  өмнөх засгийн газарт  Гадаад хэрэг,  дотоод хэрэг,  батлан  хамгаалах  зэрэг хэд хэдэн  яамыг  тэргүүлж  байсан  хүмүүс  багтсан  байна.  Харин  эдийн засаг, тогтвортой хөгжил,   бүс нутгийн хөгжил,  дэд  бүтэц,  европ Евроатлантын  интеграцийн сайд  нарыг шинээр  томилсон  байна. Өмнөх засгийн газарт  шадар сайдаар ажиллаж байсан Кумсишвили энэ  албандаа  үлдсэний зэрэгцээ сангийн сайдын үүргийг давхар гүйцэтгэхээр  болжээ. Гүржийн  үндсэн хуульд   2013 оноос эхлэн  Ерөнхий сайд  гүйцэтгэх засаглалын  тэргүүн байна гэж  хуульчилсан байдаг юм.