Хятадын Дээд шүүх 21 жилийн өмнө хүчин болон хүн амины хэрэгт буруутгагдаж, цаазлагдсан эрэгтэйг буруугүй гэдгийг нь тогтоож, цагаатгалаа. 20 настай Не Шубинийг 1995 онд буудан хороосон юм байна.

Энэ хүнийг Хэбэй мужийн Шицячуан хотын захын эрдэнэ шишийн талбайгаас цогцсыг нь олсон эмэгтэйг хүчиндсэн, дараа нь амийг нь хороосон хэрэгт буруутгажээ.

Хэрэг болсон газар, цаг хугацаа, юунаас болж ийм хэрэг үйлдсэн гэдгийг тогтоож чадаагүй бөгөөд залуу гэмээ хүлээсэн гэдэг нь шүүхээс түүнд цаазаар авах ял оноох шалтаг болжээ.

2015 онд олон хүний амийг хөнөөсөн хэргээр баривчлагдсан этгээд дээрх эмэгтэйг хөнөөсөн гэдгээ хүлээсний дараа Не Шубиний төрөл төрөгсөд хэргийг эргэн авч үзэхийг шаардаж байсан байна.

Гэвч шүүх 2014 онд л хэргийг дахин хэлэлцэж эхэлжээ. Хүний эрхийн төлөө тэмцэгчид Хятадад жилд маш олон цаазаар авах ялыг ёсоор болгодог гэж нотолдог. Гэвч Бээжин энэ талаарх статистик мэдээг нууцалдаг. Одоогийн байдлаар дэлхийн 39 оронд цаазаар авах ялыг хэрэглэж байгаа бөгөөд эдгээрийн олонх нь Африк, Ойрхи Дорнод, Азийн орнууд юм. АНУ ч гэсэн эдгээр орны тоонд ордог.