ОХУ,  Хятад  улсууд  Сирийн асуудлаарх НҮБ-ын Аюулгүйн зөвлөлийн тогтоол  хориг тавьсан  байна.  Энэ тогтоолд Сирийн  Алеппо  хотод 7 өдрийн туршид гал зогсоохыг уриалсан байсан юм.  АНУ, Их Британийн төлөөлөгчид  тус хотод  энгийн  иргэд  олноороо амиа алдаж байхад байлдааны  давуу талаа хадгалж  үлдэхийг чармайлаа хэмээн ОХУ-ыг буруутгасан байна.

Сирийн  сөрөг хүчний   эвслийнхэн  НҮБ-ын  Аюулгүйн зөвлөлийн санал хураалтын  дараа  гал  зогсоох  үүрэг  хариуцлага  тус зөвлөлийн  гишүүдэд  оногдож  байгааг  мэдэгдсэн  байна. Тогтоолын  төлийг  НҮБ-ын  аюулгүйн зөвлөлийн гишүүн  11 орон дэмжсэн  байна. Харин ОХУ,  Хятад,  Венесуэл  улсууд   эсэргүүцсэн санал өгсөн бол Ангол улс түтгэлзжээ.  НҮБ дахь ОХУ-ын суурин төлөөлөгч Виталий Чуркин АНУ-ын  санаачилгаар энэхүү тогтоолын төслийн санал хураалтыг явуулсан төдийгүй тус улс төслийг боловсруулагчдад ихээхэн дарамт шахалт үзүүлж  байсныг  мэдэгдсэн  байна.

Мөн  тэрээр   Алеппод  эвлэрэл  тогтоох  шийдвэрийг  АНУ, ОХУ-ын  яриа  хэлэлцээний үр дүнд  гаргах  л  боломжтойг  сануулсны  зэрэгцээ  ийм яриа хэлэлцээ л тодорхой  үр дүнд  хүргэнэ  гэж үзэж  байгаагаа илэрхийлжээ. Өөрөөр  хэлбэл нэмэлт  дарамт  шахалт үзүүлэлгүйгээр  тодорхой  шийдэл  гаргах  яриа хэлэлцээнд  цаг  олгох ёстой  гэж үзэж байна. Түүний мэдэгдэж  байгаагаар  АНУ-ын төрийн нарийн бичгийн дарга  Жон Керри,  ОХУ-ын гадаад хэргийн сайд   Сергей Лавров  нар ийм  тодорхой үр  дүнд  хүрэхээр яриа хэлэлцээ хийж  байгаа  юм байна.

Өнгөрсөн  ням гарагт  ОХУ-ын батлан хамгаалахын яамнаас  Алеппогын орчимд  тус улсын  2 сувилагч  амиа алдсаныг  мэдээлсэн. Түүнчлэн  үүний хариуцлагыг  Барууны  орнуудад ч тохож байгаагаа мэдэгдсэн юм. Харин барууны  орнууд  Алеппо хотод энгийн иргэд  амиа алдаж  байгаад  ОХУ-ыг буруутгаж  байлдааны  ажиллагаагаа зогсоохыг шаардсаар байгаа билээ.