Үндэсний телевиз
Цагийн хүрд
Найм арваннэг
Өмнөд Солонгосын Батлан хамгаалах яам Умард Солонгосын талаас өсөн нэмэгдэж байгаа аюул заналтай холбогдуулж, ажиглалт тагнуулын тоног төхөөрөмж нэмж байрлуулахыг өчигдөр АНУ-аас хүссэн байна.
Батлан хамгаалах яам нь Умард Солонгост болж байгаа үйл явцад тавих хяналтаа чангатгасан тухай Өмнөдийн төв хэвлэлд онцолжээ. Умард Солонгос Америкийн Ерөнхийлөгчөөр сонгогдсон Дональд Трампыг турших, Өмнөд Солонгос, АНУ-ын төр засаг солигдох үйл явцаас давуу тал олж авахын тулд цэрэг зэвсгийн аргаар хурцадмал байдлыг нэмэгдүүлж болзошгүй гэж Өмнөд Солонгос таамаглаж, үүндээ үндэслэн Америкийн талд хүсэлт гаргасан болов уу гэсэн таамаг бас байгаа юм байна.
Өмнөд Солонгос одоогоор АНУ-ын пуужингаас хамгаалах системийг Солонгосын хойгт байрлуулахыг зөвшөөрснийхөө төлөө багагүй шүүмжлэлд өртөөд буй. Дээрээс нь дахиад Америкаас тагнуулын техник, технологи нэмж авах нь мөн л шүүмжлэлд өртөх вий гэж албаны зарим хүн мэдэгджээ.
| БНСУ АНУ-аас тагнуулын тоног төхөөрөмж нэмж байрлуулах хүсэлт гаргажээ | ||
| Үзсэн: 1149 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.