Аргентины алдарт хөлбөмбөгч Леонил Мессигийн өмсгөлийг цагаан, цэнхэр өнгийн уутаар дуурайлган хийж өмссөн 5 настай афган хүүгийн зураг олон нийтийн сүлжээгээр тархаж байсан. Хүүг Муртаза Ахмади гэдэг бөгөөд түүний өмсгөлтэй зураг нь олны танил болсны дараа алдарт хөлбөмбөгчин Месси түүнд өөрийн гарын үсэгтэй хүүхдийн өмсгөл бэлэглэж байсан юм. Харин тэр цагаас хойш бараг жилийн дараа, Муртаза хүүгийн мөрөөдөл биелэж, алдарт тамирчинтай тоглолтынх нь өмнө уулзах завшаан тохиожээ.

Барселона клуб Доха хотод Аль Ахли клубтэй нөхөрсөг тоглолт хийх үеэр, Леонил Месси болон түүний багийн нөхөд хүүг хүлээн авч уулзжээ. Энэхүү гайхалтай үйл явдлыг Катарын дэлхийн цомын тэмцээнийг байгуулах хороо дүрсжүүлж, олон нийтийн сүлжээнд цацсан байна. Тоглолт 5:3 харьцаатай Испанийн багийн ялалтаар өндөрлөсөн бөгөөд Месси ч багийнхаа ялалтад хувь нэмрээ оруулж, эсрэг багийн хаалгандаа гоол оруулсан байна. Муртаза хүү тоглолт эхлэхийн өмнө талбай дээр “Барселона” багийнхны хамт зургаа авахуулжээ.