Зул сарын баярыг дэлхийн өнцөг булан бүрт тэмдэглэн өнгөрүүллээ. Сансрын нисгэгчид ч тэртээ өндөрт зул сарын баяраа тэмдэглэн өнгөрүүлжээ. Энэ удаагийн Олон улсын сансрын станцын баг ч дэлхий нийтийн төдийгүй сансарт тогтсон уламжлалыг эвдсэнгүй.

Зул сарын баярын үеэр дэлхийгээс 362 сая км-ийн цаана, олон улсын сансрын станц дээр байрлан ажиллаж байгаа НАСА-гийн багийн 50 гишүүн дэлхий рүү зул сарын баярын мэндчилгээ илгээсэн байна. Уг мэндчилгээг НАСА-гийн телевиз дамжуулан үзүүллээ.

Багийн гишүүд зул сарын баярын ширээний хамгийн гол хоол болох цацагт хяруулын мах идэж, баяраа хэрхэн тэмдэглэж байгаа талаар дүрс бичлэг илгээжээ. Энэхүү баярын зоогийг дэлхийгээс олон улсын сансрын станцад ажиллаж байгаа багийнханд илгээсэн байна.

Энэхүү баярын ширээний хоол хүнс багийн гишүүдэд сэтгэл санааны хувьд өндөр нөлөөтэй явдал болдог байна. Учир нь тэд өдөр бүр орц найрлагыг нь тааруулан бэлдсэн, ердөө шингэн төдий хоол хүнс иддэг ажээ. Баярын мэндчилгээний төгсгөлд багийн ахлагч Шейн Кимброү баярын хүнс илгээсэнд талархсанаа илэрхийлээд гэр бүлийнхэндээ мэнд хүргэж байгаагаа хэлжээ.