Японы  Ерөнхий сайд Шинзо Абэгийн  Хавай  дахь  2 өдрийн  айлчлал  үргэлжилж байна.  Өчигдөр   тэрээр 1941  онд  Япончууд  Америкийн  Сувдан эрэг бааз руу халдах үед амиа алдсан  цэрэг  дайчдыг  оршуулсан  Номхон далайн дурсгалын  цогцолборт  очиж  цэцэг  өргөжээ.

Японы  одоогийн засгийн газрын  тэргүүн  Шинзо  Абэ мөн  Макики  оршуулгын  газарт очиж   Япончуудын  дурсгалыг  хүндэтгэн  цэцэг  өргөлөө.  Энд  Америкийн  шумбагч  хөлөг  Японы  "Эхимэ  Мару"  хөлөг  онгоцтой  мөргөлдсөнөөс болж  амиа алдсан  Япончуудын  нутаглуулсан байдаг аж.  Тэнд  Японы хөлөг  онгоцонд  сууж  яваад амиа алдсан   4  сурагчийг  нутаглуулсан  байдаг  юм.  Японы  Ерөнхий сайд Шинзо Абэг   гадаад хэргийн сайд  Фумио  Кисида,  батлан хамгаалахын сайд  Томоми  Инада болоод   Япон  дахь  АНУ ын  элчин  сайд  Кэролайн  Кеннеди нар  дагалдан явсан байна.  

Ерөнхий сайд  Шинзо Абэ  Хавай  дахь  энэ айлчлалынхаа үеэр   АНУ-ын  Ерөнхийлөгч  Барак Обамагийн хамтаар  1941  оны Сувдан  эрэг  дэх  Япончуудын  довтолгооноос  болж  амиа алдсан  "Аризона"  хөлөг  онгоцны  далайчдын  дурсгалд зориулсан арга хэмжээнд  оролцох  юм.   Мөн  АНУ, Японы  удирдагчид   уулзалт  хэлэлцээ  хийхээр   төлөвлөжээ.  Ийнхүү  Шинзо  Абэ нь  Японы  засгийн газрын тэргүүний  албыг  хашиж  байх  үедээ  ийнхүү  Перл  Харбор  буюу  Сувдан эрэг  баазад  очсон  анхны ерөнхий сайд болж байна.  Түүнээс өмнө  2011 онд  Японы  Ерөнхий сайд  асан  Иосихико  Нода  энд  хүрэлцэн ирж хүндэтгэл  үзүүлж байсан аж.

---

	Шинзо Абэ америкийн цэргүүдийн дурсгалыг хүндэтгэн цэцэг өргөлөө
Үзсэн: 944	Mongolian National Broadcaster