АНУ-ын Ерөнхийлөгчөөр  сонгогдоод байгаа Дональд Трамп үүрэгт  ажилдаа  орсныхоо дараа  одоогийн ерөнхийлөгч  Барак Обамагийн  гаргасан зарлиг  шийдвэрүүдийн 70 гаруй хувийг нь  цуцална. Энэ   тухай Трампын шилжилтийн  багийн гишүүн, Конгрессын  төлөөлөгчдийн танхимын гишүүн  асан  Ньют  Гингрич  Фокс  Ньюст  ярилцлага өгөхдөө  мэдэгдсэн байна.  

Гэхдээ  үүний  тулд Трамп  Ерөнхийлөгчид  мэргэшсэн хуульчдын  баг  хэрэгтэй   болно гэдгийг тэрээр онцлон мэдэгдсэн байна.  Гингрич  Барак  Обамагийн бодлогыг  арга ядсан  буулт  хэмээн тодорхойлсны  зэрэгцээ үлдээж  буй өвийг нь  хий нь   гарсаар  байгаа  бөмбөгтэй  адилтгасан  байна. Тухайлбал  тэрээр Ерөнхийлөгч  Барак  Обамагийн санаачилсан,  бүгд найрамдахчуудын  эрс  шүүмжлэлд  өртөж байсан  эрүүл мэндийн  салбар дахь шинэтгэлийг  жишээ  татан хэлж  байлаа.  Гингрич  Обамагийн  энэ  шинэтгэл   2  намын   дэмжлэгийг  авч  чадсан  бол  урт  хугацааных  байж   чадах байсан гэдгийг онцолж байна.  

Гэхдээ тэрээр энэ шинэтгэлд шүүмжлэлтэй хандаж байсан бүгд найрамдахчууд цаашид хуулийг бүхэлд нь эсвэл хэсэгчлэн хүчингүй болгох эсэх нь тодорхойгүй байгааг   хэлсэн  байна.  Олон улсын шинжээч  мэргэжилтнүүдийн хувьд өмнөх  ерөнхийлөгч болоод засгийн газрынхаа  тушаал, шийдвэрийг хүчингүй болгох цуцлах  тохиолдол  гарч байдаг ч  70  хувь  гэдэг  өндөр   тоо гэдгийг  онцолж  байна.