Үндэсний телевиз
Цагийн хүрд
Найм арваннэг
Аргентины эрх баригчид Ерөнхийлөгч асан Кристина Фернандес де Киршнерийг гэмт хуйвалдаанд оролцсон, луйвар хийсэн хэмээн буруутгаж эрүүгийн хэрэг үүсгээд байна. Энэ удаад түүний эсрэг үүсгэсэн энэ хэрэг нь Австрал Констракшинс компаний үйл ажиллагаатай холбоотой юм.
Тодруулбал, тус компаний төрийн захиалгаар хийсэн замын ажилтай нь холбоотой юм. Мөрдөн шалгах ажиллагааны хүрээнд Ерөнхийлөгч асан Киршнерийн 10 тэрбум песо буюу 648 сая америк доллартай тэнцэх хөрөнгийг нь битүүмжлээд байгаа тухай Аргентины Холбооны шүүхээс мэдээлсэн байна. Өнгөрсөн 5 дугаар сард Аргентины Холбооны шүүх Киршнер болон эдийн засгийн сайд асан Аксель Кисильофа, Төв банкны тэргүүн асан Алехандро Ваноли нарын эсрэг эрүүгийн хэрэг үүсгэсэн.
Тэдний хийсэн валютын фьючер гэрээнээс болж төрд их хэмжээний хор хохирол учирсан хэмээн мөрдөгчид үзсэн юм. Тухайн үед тэдний 1 сая доллартай тэнцэх хэмжээний хөрөнгийг нь битүүмжилж байсан билээ.
| Аргентины ерөнхийлөгчийг гэмт хуйвалдаанд оролцсон, луйвар хийсэн хэрэгт буруутгажээ | ||
| Үзсэн: 1416 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.