Үндэсний телевиз
Цагийн хүрд
Найм арваннэг
АНУ-ын Ерөнхийлөгч Барак Обамагийн шийдвэрийн дагуу ОХУ-ын 35 дипломатч болон тэдний гэр бүлийнхэн тус улсыг орхин явсан болохыг Оросын хэвлэлүүд уламжилж байна.
Тодруулбал, Ерөнхийлөгч Обама Оросын дипломатчдыг өнгөрсөн 11 дүгээр сард болсон Ерөнхийлөгчийн сонгуулийн үеэр цахим халдлага хийсэн гэдэг үндэслэлээр буруутгаж, 72 цагийн дотор Америкаас хөөн гаргах шийдвэр гаргасан юм. Иймд шинэ жилийн баярын өдөр Оросын дипломатчдын суусан онгоц Вашингтоноос Москва руу ниссэн болохыг Оросын Элчин сайдын яамны төлөөлөгч "Итар тасс" агентлагт уламжилсан байна.
Путин Обамагийн энэ шийдвэрийн хариуд ижил арга хэмжээ авахаас татгалзаж, дипломат харилцаанд хариуцлагагүй хандахгүй гэдгээ мэдэгдсэн. Энэ сарын 20-нд АНУ-ын шинээр сонгогдсон Ерөнхийлөгч Дональд Трамп тангарагаа өргөж, бүрэн эрхийнхээ хугацааг эхлүүлнэ. Энэ үеэс Орос, Америкийн харилцаа илүү ойртож, сайжирна гэсэн хүлээлт олон улсын шинжээчдийн дунд байгаа юм.
| ОХУ-ын 35 дипломатч АНУ-ыг орхин гарлаа | ||
| Үзсэн: 4191 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.