Үндэсний телевиз
Цагийн хүрд
Найм арваннэг
ӨМӨЗО-ы Баяннуурын малчид тэмээний буухиа уралдаан, мөн сайхан тэмээ шалгаруулах тэмцээн зохион байгуулж, 2017 оныг угтан авчээ. Тэмээний буухиа уралдаанд нийт 8 баг оролцож, 50 км зайд уралдан, тэмээнийхээ хурд хүчийг сорьсон байна.
Сайн уралддаг тэмээ, туршлагатай тэмээ гэсэн хоёр ангиллаар уралдаанд оролцсон багуудад оноо өгчээ. Тэмээний хурдыг сорихоос гадна сайхан тэмээг мөн шалгаруулжээ. Өөрөөр хэлбэл, тэмээний бие, булчин, хөл зэргийг нь шинжиж, сайхан тэмээг шалгаруулсан байна.
Тэмээний бие урт байхаас гадна дөрвөн тавхай нь өргөн байх нь чухал байдаг. Учир нь өргөн тавхайтай тэмээ нарийн тавхайтай тэмээг бодвол тулгуур сайтай байдаг гэж уралдааныг шүүсэн малчид ярьжээ. Уралдаанд оролцуулсан тэмээ нь Говийн хавтгай улаан тэмээ бөгөөд энэ төрлийн тэмээ нь Өвөрмонголын малчдын хувьд орлогынх нь гол эх үүсвэрийн нэг болдог юм байна.
| Баяннуурын малчид тэмээний уралдаан зохион байгуулжээ | ||
| Үзсэн: 1103 | Mongolian National Broadcaster |
У.Баярсайхан
О.Энхмаа
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.