Мексикийн конгресс баталсан нэгэн шинэ хуулинд ерөнхийлөгч эрх нь зөрчигдөж буй хоригдлуудад өршөөл үзүүлж, суллах эрхтэй гэж заажээ. Энэ эрхийн дагуу Мексикийн Ерөнхийлөгч Пенья Ньето өдгөө 42 настай хоригдол  Альберто Патистан Гомесыг сулласан нь түүнийг нийгэмд гэм хоргүй гэж үзснийх юм. Хэрэгтэн Патистан Гомес нь 2000 онд орон нутгийн долоон цагдаагийн албан хаагчийн аминд хүрсэн хэргээр 60 жил хоригдох ял сонссон байна. Түүний өмгөөлөгч болоод хүний эрхийн байгууллагынхан Гомесыг нийгэмд ямар ч хор хөнөөлгүй, өнгөрсөн хугацаанд хэрэг төвөгт огт орооцолдоогүй, сайн хүмүүжигч гэж баталжээ.  Гомес  энэ сарын эхээр тархины хорт хавдрын улмаас эмнэлэгт хүргэгджээ.