Үндэсний телевиз
Цагийн хүрд
Найм арваннэг
Япон, БНХАУ, БНСУ-ын гадаад хэргийн дэд сайд нар ирэх долоо хоногт Сөүл хотноо уулзахаар боллоо.
Уулзалтаар жил бүр зохион байгуулагддаг гурван талын дээд хэмжээний уулзалтыг энэ жил зохион байгуулах эсэх, түүний бэлтгэл ажлыг хэрхэн хангах талаар хэлэлцэх аж. Сүүлийн үед дээрх 3 улсын харилцаа түүхийн болон газар нутгийн маргаантай асуудлаас үүдэн хөндийрөөд байгаа юм. Тиймээс гадаад хэргийн дэд сайд нар ийнхүү урьдчилж уулзахаар болсон байна.
Хэрвээ талууд шийдэлд хүрвэл гурван талт дээд хэмжээний уулзалт энэ оны сүүлээр болж магадгүй гэнэ. Ирэх Пүрэв гарагт болох уулзалтанд Япон улсын гадаад хэргийн дэд сайд Шинсүкэ Сүгияма, БНХАУ-ын гадаад хэргийн дэд сайд Лю Чжэньминь, БНСУ-ын гадаад хэргийн дэд сайд Ли Кион Су нар оролцох юм. Япон улсын засгийн газар уулзалтын үеэр дэд сайд нарын хооронд тусгаарчилсан уулзалт болно гэж найдаж байна.
| Япон, БНХАУ, БНСУ-ын сайд нар уулзана | ||
| Үзсэн: 789 | Mongolian National Broadcaster |
С.Байгалсайхан
У.Баярсайхан
О.Энхмаа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.