-Сүүлийн таван жил монгол үндэсний урлагаа гэсэн сэтгэлтэй залуус их болсон. Конкурсны үеэр уртын дуу, морин хуурын анги хамгийн их эрэлттэй байдаг. Энэ нь монголчууд үндэс угсааныхаа үнэ цэнийг мэдэрч байгаатай холбоотой. Мөн ерөнхийлөгч маань морин хуур, уртын дуугаа дээдлэе гэсэн уриалга гаргасан нь ч нөлөөлсөн. Нөгөө талаас үзэгчид ч гэсэн монгол урлагаа маш сайхан хүлээж авах болжээ.  

-Миний ээж багш, аав жолооч хүн мэргэжилтэй ч урлагт хайртай, урлагийг ойлгодог хүмүүс. Анх намайг ээж 44 дүгээр сургууль дээр морин хуурын дугуйланд оруулсан. Тэр цагаас энэ урлагт дурлаж гүнзгийрүүлж сурсан.

-Морин хуурыг гайхамшигт сайхныг оноож хэлсэн үг бий. Хоёрхон утсаараа хорвоог уяраасан, эсвэл тэнгэр газрыг аргадсан ч гэх нь бий. Миний хувьд өөрөө дурлаж, мэдрэж тоглодог. Морин хуурын аялгуу хүнд ер бусын тайвшрал, мэдрэмж бүр цаашлаад ухаарал өгдөг. Би сэтгэл санаа жаахан тогтворгүй үед хуураа бариад л авдаг. Би энэ мэргэжлийг сонгосноороо их бахархдаг. Хуурынхаа буянд олон сайхан үйл явдалд оролцож гадаад дотоод, найр наадам, хөдөө хотгүй л явж байна.  

-Чанар бол сайжирч байна. Намайг оюутан байхад Энхболд, Байгальжав, Уламбаяр гээд мастерууд байсан. Одоо бол зөндөө болсон төдийгүй ардын, сонгодог чиглэлээр хуваагдсан. Мастерууд үүний дагуу хөгөлгөөгөө хийж байна. Сонгодог морин хуурын хөгийг хийл дуугаралттай болгох жишээтэй.

-Гажаад байх ч юу байхав. Нэг талаасаа сонгодог хуур тоглоно гэдэг нь уран бүтээлчийг чадваржуулж байгаа юм.

 -Баярлалаа.