Өнөөдөр “Metals Mongolia-2013” чуулга уулзалтын талаар УУЯ-ны Уул уурхайн бодлогын хэлтсийн дарга Б.Нэргүй, Чуулганы санаачлагч, Гложекс Холдинг ХХК-ийн ТУЗ-ийн дарга Л.Наранбаатар, Чуулганы ерөнхий нарийн бичгийн дарга Б.Алтаншагай нар мэдээлэл хийлээ.

 

Уул уурхайн металлургийн салбарын чиг хандлагыг тодорхойлдог, хөрөнгө оруулагчдын чуулга уулзалт “Metals Mongolia-2013”  энэ сарын 8-нд "Туушин" зочид буудлын хурлын танхимд болно. Чуулга уулзалтын онцлог нь төр засаг, хөрөнгө оруулагчид болон хувийн хэвшлийн төлөөлөл энэхүү салбарын хөгжил, бодлого, дэд бүтэц, удахгүй хэрэгжүүлэх төсөл, алт, зэс, төмөр зэрэг хөтөлбөрүүдийн үзэл баримтлал, энэхүү салбар улсын эдийн засгийг хэрхэн эргэлтэд оруулах зэрэг чухал асуудлын талаар хэлэлцэнэ. Энэ удаагийн чуулганд 300 гаруй хүн оролцох бөгөөд  шинэчлэлийн Засгийн газрын зүгээс хуралд ихээхэн ач холбогдол өгч байна.

 

Чуулган уул уурхай, металлургийн салбарын өнөөгийн байдал, чиг хандлага, алтны салбар, зэсийн салбар, хар төмөрлөгийн салбар гэсэн үндсэн дөрвөн хэсэгт хуваагдаж явагдана.