Үндэсний телевиз
Цагийн хүрд
Найм арваннэг
Монгол Улсаас Шведийн Вант Улсад суугаа Онц бөгөөд Бүрэн Эрхт Элчин сайд М.Энхсайхан энэ сарын 18-нд Шведийн Вант Улсын Парламентын дарга Эрхэмсэг ноён Урбан Алин-д Парламентын Ордонд бараалхав.
Бараалхалтын үеэр Элчин сайд М.Энхсайхан Монгол Улсын Их Хурлын дарга М.Энхболдын мэндчилгээг уламжилж Шведийн Парламентын даргыг Монгол Улсад тааламжтай цагтаа албан ёсоор айлчлахыг урьсан албан ёсны урилгын эх хувийг гардуулан өгөв. Түүнчлэн хоёр орны парламент хоорондын хамтын ажиллагааг өргөжүүлэн хөгжүүлэх, өндөр дээд хэмжээний айлчлал хэрэгжүүлэх эрмэлзэлтэй буйгаа илэрхийлэв.
Шведийн Парламентын дарга У.Алин УИХ-ын дарга М.Энхболдод хариу мэндчилгээ дэвшүүлж, урилгыг талархан хүлээн авч, Монгол Улсад албан ёсоор айлчлах эрмэлзэлтэй буйгаа илэрхийлээд Элчин сайдад Итгэмжлэх жуух бичгээ барьж үүрэгт ажилдаа орсонд баяр хүргэж бүх талаар дэмжиж ажиллахаа нотлов.
| Элчин сайд М.Энхсайхан Шведийн вант улсын парламентийн дарга Урбан Алинтай уулзав | ||
| Үзсэн: 1082 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.