Монголбанкнаас ирэх онд баримтлах мөнгөний бодлогод инфляцийн түвшинг 9 орчим хувь байхаар тооцжээ. Өргөн хэрэглээний бараа бүтээгдэхүүний үнийн өсөлтөөр илэрхийлэгддэг инфляцийг өнөөдрийн түвшнээс 2 нэгжээр нэмэгдүүлж байгаа шалтгааныг Монголбанкны Мөнгөний бодлогын газрын захирал н.Баярдаваа ингэж тайлбарлалаа.

Энэ жил манай улс зуншлагын байдал муугаас төмс, хүнсний ногоо болон улаан буудайныхаа дотоодын хэрэгцээг 100 хувь хангаж чадахааргүй болсон. Мөн нүүрсний үнэ өмнөх жилүүдийнхээс өссөн, автомашины үнэ өсөж байгаа зэрэг нь инфляцид голлох нөлөөг үзүүлнэ гэж бодлого боловсруулагчид харсан байна.