Япон улсын иргэдийн гаргасан хүсэлтийн дагууд  тус улсын засгийн газар холбогдох хүсэлт материалаа өнгөрсөн жилийн 3 сард НҮБ-д илгээгээд байсан юм. Ингэснээр НҮБ-ын засгийн газар хоорондын зөвлөл Лхагва гарагт Азербайджанд болсон уулзалт хуралдаанаар Япон улсын хүсэлтийг хүлээн авч биет бус соёлын өвийн жагсаалтад тус улсын хоолны уламжлалт урлагийг нэмсэн байна. 

Японы Фукушима засаг захиргааны нэгжид 2011 онд тохиолдсон цөмийн байгууламжийн ослоос шалтгаалан Японы хоол хүнстэй холбооотой элдэв сөрөг мэдээлэл цацагдах болсон тул энэ байдлыг арилгахын тулд иргэд нь энэ хүсэлтийг гаргасан юм байна. Үеийн үед тэжээллэг чанартай гэдэг нь батлагдсаар байгаа Япон хоол хийх уламжлалт урлаг соёлыг ийнхүү дэлхийн биет бус соёлын өвийн жагсаалтад оруулсан явдалд тус улсын иргэд сэтгэл хангалуун байгаагаа илэрхийлж байсан юм. Ингэснээр Япон улсын Кабуку тоглоом, Киотогийн Жион завьт наадам зэрэг нийт 22 урлаг соёлын нэгж НҮБ-ын биет бус соёлын өвийн жагсаалд хамрагдаад байна. Хоол хүнсний соёлын хувьд үүнээс өмнө Франц мөн Италийн газар дундын тэнгис маягийн хоолны дэглэм, Туркийн Кешкек зэргийг уг жагсаалтад багтаасан түүхтэй юм.