Үндэсний телевиз
Цагийн хүрд
Найм арваннэг
Гадаад харилцааны сайд Д.Цогтбаатар Бүгд Найрамдах Азербайжан Улсын Баку хотноо болж буй Европын аюулгүй байдал, хамтын ажиллагааны байгууллага (ЕАБХАБ)-ын Парламентын Ассамблей дахь “Торгоны замыг дэмжих бүлэг”-ийн Олон улсын анхдугаар бага хуралд оролцох үеэрээ Азербайжаны СВС телевизийн сувагт ярилцлага өгөв. Тэрээр ярилцлагадаа Монгол, Азербайжаны харилцаа, хамтын ажиллагааг өргөжүүлэн хөгжүүлэх боломжийн талаар тэмдэглэж, торгоны замыг сэргээн хөгжүүлэх санаачлагын ач холбогдолын талаар онцлов.
Сайд Д.Цогтбаатар мөн өдөр Азербайжаны Жүдо бөхийн холбооны төлөөлөлтэй уулзаж санал солилцохын хамт тус улсын нэрийн өмнөөс барилдаж буй Монголын тамирчид болох П.Буянхишиг, Э.Базаррагчаа, М.Ичинхорлоо нартай уулзаж ярилцав. Монгол, Азербайжаны жудо бөхийн холбоодын хамтын ажиллагааны хүрээнд манай 3 тамирчин Азербайжаны нэрийн өмнөөс олон улсын тэмцээн уралдаанд оролцож байна.
| Сайд Д.Цогтбаатар Азербайжаны СВС телевизэд ярилцлага өглөө | ||
| Үзсэн: 1271 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.