УИХ-ын гишүүн Р.Амаржаргал өөрийн дураар бүрэн эрхээсээ татгалзах хүсэлтээ өнгөрсөн сард өгсөн. Түүний хүсэлтийг шийдэлгүй сар орчим болсны эцэст өнгөрсөн долоо хоногт чуулганы нэгдсэн хуралдаанаар хэлэлцэж, гишүүнийг танхимд нь үлдээх шийдвэр гаргаж байсан. Тэрээр чуулганы шийдвэрийг эсэргүүцэж УИХ-ыг шүүхэд өгөхөөр болжээ. Учир нь өөрийнх нь эрхийг зөрчиж, албадан хөдөлмөр эрхлүүлж байна хэмээн үзэж байгаа гэнэ.