Ирэх оноос манай улсын бүх цагдаа нар шинэ дүрэмт хувцастай болно. Цагдаа нарын шинэ хувцасны загварыг  Цагдаагийн ерөнхий газраас мэргэжлийн хүмүүстэй хамтарч гаргасан бөгөөд олон улсын стандартад нийцсэн хөлс  чийгийг гадагшлуулдаг олон давуу талтай байх ажээ. Бүх албан хаагчдын хувцсыг шинэчлэхэд нийт хичнээн төгрөгний хөрөнгө шаардагдахыг одоогоор зарлаагүй байгаа бөгөөд албан бус мэдээллээр 5-6 тэрбум төгрөг төсөвлөж байгаа гэнэ.