Энэ онд манай улсын Төсвийн тухай хуульд Орон нутгийн хөгжлийн сангийн тухай оруулж, санг байгуулсан. Тус санд төвлөрсөн хөрөнгийг тухайн аймаг, сумын засаг даргын шийдвэрээр бус нутгийн иргэд нийтийн хурлаар хэлэлцэж баталсан ажлуудад зарцуулах ёстой. Ингэснээр иргэд өөрсдийн амьдрах орчиндоо тулгамдаж байгаа асуудлаа шийдвэрлэх, дэд бүтцээ сайжруулахад бүрэн дүүрэн оролцох эрх нь баталгаажиж байгаа юм.