Улсын Дээд шүүхийн Иргэний хэргийн танхим 2013 онд 1013 иргэний хэрэг хүлээн авснаас  801 хэргийг шүүх хуралдаанаар хэлэлцсэн байна. Шүүх хуралдаанаар хэлэлцсэн 801 хэргээс  759-ийг нь хяналтын шатны шүүхэд гаргасан гомдлын дагуу,  42-ыг шинээр илэрсэн нөхцөл байдлын улмаас хянуулах хүсэлтийг үндэслэн хянажээ.

Хяналтын журмаар хэлэлцэгдсэн иргэний 759 хэргийн 61.2 хувь буюу 465 хэргийн шийдвэр, магадлалыг хэвээр үлдээж, 13.1 хувь буюу 100 хэргийн шийдвэр, магадлалд өөрчлөлт оруулж,  7.1 хувь буюу 54 хэргийн  магадлалыг хүчингүй болгон  шийдвэрийг хэвээр үлдээж, 1.7 хувь буюу 13 хэргийн  шийдвэр, магадлалыг хүчингүй болгон нэхэмжлэлийг хэрэгсэхгүй болгож, 16.7 хувь буюу 127 хэргийг дахин шийдвэрлүүлэхээр буцаасан байна.