Мэдээ

Чөлөөт цаг

Спорт

Бусад

МҮОНРТ

Шууд Chart

Улаанбаатар дахь Говь-Алтайчууд “Гео Мандал”-д цуглана

2018-06-21 17:52:13
Error loading player: No playable sources found

Үндэсний их баяр наадмыг тохиолодуулан энэ бямба гарагт Улаанбаатар дахь Говь-Алтайчууд “Гео Мандал” амралтын газрын бэлтгэлийн талбайд бэсрэг наадам зохион байгуулах гэж байна. Мөн гурван үеэрээ уулзах аж.

Энэ хүрээнд:

  • Монгол Улсын хөдөлмөрийн баатар Л.Түдэв тэргүүтэй нутгийн зохиолчдын номын танилцуулга, худалдаа
  • Урлаг, соёлын оддын тоглолт
  • Ахмад, дунд, залуу үеийн уулзалт
  • Нутгийн бөхчүүдийн барилдаан
  • “Наранд ойрхон Алтай” баярын нэвтрүүлгийн зураг авалт
  • “Түүчээ залуус” төслийн уралдааны танилцуулга зэргийг хийхээр төлөвлөжээ.

Энэ өдөр Монгол Улсын гавьяат жүжигчин Ч.Бат-Эрдэнэ, С.Ганзориг, “Лорд” хамтлагийн

дуучин Б.Заяабаатар, “Увертюра” хамтлагийн ахлагч Г.Пүрэвдагва нарын зэрэг уран бүтээлч ая дуугаа өргөж, Монгол Улсын гарьд Н.Ганбаатар, Ж.Бат-Эрдэнэ, улсын заан Б.Соронзонболд тэргүүтэй хүчит 32 бөх зодоглох юм байна.

Говь-Алтай аймгийнхан жил бүрийн баяр наадмын өмнө “Хантайшир” дэвжээний бөхчүүдээ зорин очиж, бэлтгэл сургуулилтад нь анхаарч, амжилт хүсдэг уламжлалтай бөгөөд энэ удаад “Алтайчуудын бэсрэг наадам-2” арга хэмжээг хамтатгаж байгаа юм байна.

Анх “Алтайчуудын бэсрэг наадам-1” арга хэмжээг 2009 онд доктор, профессор, хурандаа Ч.Баатар тэргүүнтэй “Алтайн оюуны хөгжлийн ассоциаци” зохион байгуулж байсан юм.

Тэгвэл энэ удаагийнхийг Говь-Алтай аймгийн оюутан, залуучуудын “Ирээдүй-Алтай” холбоо, “Хантайшир” бөхийн дэвжээ хамтран ажиллах гэнэ.

Нийтэлсэн: У.Баярсайхан

Улаанбаатар дахь Говь-Алтайчууд “Гео Мандал”-д цуглана   
Үзсэн: 703 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй