ДЭМБ-ын Номхон Далайн Баруун Эргийн Бүсийн захирал Др Шин Ён Су манай улсад ажлын айлчлал хийж байна. Тэрээр Эрүүл мэндийн яамны ажлын хэсгийнхэн болон ДЭМБ-ын Монгол дахь суурин төлөөлөгч Др Сергей Диордица нарын хамт өнөөдөр Хөвсгөл аймагт ажиллан орон нутгийн эрүүл мэндийн байгууллагын үйл ажиллагаатай танилцлаа.

Энэ үеэр Хөвсгөл аймгийн удирдлагууд Бүсийн захирал Др Шин Ён Су-г хүлээн авч уулзан орон нутгийн эрүүл мэндийн тусламж үйлчилгээ тэр дундаа бүх нийтийн эрүүл мэндийн хамралтын явц байдал, Элэг бүтэн Монгол үндэсний хөтөлбөрийн хэрэгжилтийн талаар мэдээлэл өглөө.

Энэ үеэр ажлын хэсгийнхэн Хөвсгөл аймагийн Эрүүл мэндийн газрын Шуурхай удирдлагын нэгжийн нээлтэнд оролцож, эрүүл мэндийн яам , ХӨСҮТ, Нийгмийн эрүүл мэндийн төв зэрэг байгуулагуудтай цахимаар холбогдож мэдээлэл авлаа.
Мөн тэрээр энэ сарын 27 нд болох Дэлхийн хепатитын өдрийн арга хэмжээнд оролцох бөгөөд Элэг бүтэн монгол хөтөлбөрийн хүрээнд хэрэгжиж байгаа үйл ажилгаатай танилцан,   Монгол улс дэлхийн хэмжээнд жишигт тогтоосон улс орон болон гэдэгт итгэлтэй байгаагаа илэрхийллээ.