Өвөл гэхээр хамгийн түрүүнд юу санаанд чинь бууж байна.Өвлийн улирлын хамгийн тод дурсамж цасны баяртай хамт үлддэг бөгөөд байгууллага хамт олон, найз нөхөд, гэр бүлээрээ агаар салхинд гарч нэгэн өдрийг зугаатай өнгөрүүлдэг. Тиймээс МЗХ-ны “Залуучуудын аялал жуулчлалын корпораци” та бүхэнд мөнхөд үлдэх сайхан дурсамжийг үлдээхээр Тэрэлжийн амралт руу гитарын аялгуу, түүдэг гал, хөгжөөнт тоглоомуудтай хослуулан морин болон нохойн чарганы аялалтай хамт цасны баярыг тэмдэглэж байгаа бөгөөд та бүхэн гэр бүл, найз нөхөд, хамт олноороо хамрагдах боломжтой юм байна. Мөн “Хүннү Эйр” агаарын тээвэрлэгч компани Монголын Залуучуудын Холбооны агаарын тээвэрлэгч болсонтой холбогдуулан “Эрийн хийморь” алдарт “Шилийн богд” дээрээс  шинийн гуравны билэгт сайн өдрийн өглөөний нар харах аялалаа хийморьлог эрчүүддээ  зориулсан Морин жилийн анхны аялал болгон зохиохоор бүртгэлээ эхэлсэн байна.