«Формула-1»  тэмцээний дэлхийн долоон удаагийн аварга Михаэль Шумахер өнгөрсөн сард Альпийн нуруунд цанаар гулгаж байх үедээ осолдож, тархиндаа хүнд гэмтэл авсан. Осолд орсноосоо хойш комын байдалд байгаа алдарт нисгэгчийг дахин сэрэх найдваргүй болсон гэсэн яриа гарч шүтэн бишрэгчдийг нь сандралд оруулж байсан. Тэрээр Германы Греноблийн эмнэлэгт хиймэл комд байгаа бөгөөд эмч нар нь түүнийг ойрын өдрүүдэд хиймэл комоос нь гаргана гэж мэдэгдсэн талаар Marca агентлаг дамжуулжээ. Түүний хэвлэлийн төлөөлөгчийн хэлснээр “Эмч нарт Шумахерийн биеийн байдлын талаар хэвлэлийнхэнтэй  ярих нь хориглосон. Гэсэн ч түүнийг хиймэл комоос нь гаргаж болно гэсэн мэдээлэл бидэнд Германаас ирсэн. Тэр нь түүний биеийн байдалд нааштай өөрчлөлт гарсныг гэрчилж байна. Гэхдээ гэр бүлийнхэн нь энэ талаар ярихыг бага зэрэг хүлээхийг гуйсан.” гэжээ.