Эсэргүүцлийн жагсаал цуглааны удирдагчид ерөнхий сайд болон түүний засгийн газрын сайд нарыг барьцаанд авахаар оролдсоны дараагаар ийм арга хэмжээг авсан гэж холбогдох албаныхан мэдээлж байна. Ийнглак Шиноватра эрүүгийн гэмт хэргийн хуулийг зөрчсөн хэмээн уг зөвлөл үзэж байгаа боловч хэрвээ гэм буруутай нь тогтоогдвол чухам ямар хариуцлага тооцохыг нарийн мэдээлээгүй байгаа юм.

 

Уг зөвлөл нийт 15 хүнийг тухайлбал худалдааны сайд асан, будааны хөтөлбөрийг хэрэгжүүлэгч агентлагийн болон бусад тодорхой эрх мэдэлтнүүдийг шалгахаар болсон байна. Будаа тариалагчдад улсын татаас олгох хөтөлбөр схемийг Инйглакийн өрсөлдөгчид шүүмжлэлийнхээ гол бай болгож, засгийн газрыг бүрэн бүрэлдэхүүнээр нь огцруулж, Ардын Зөвлөлийг байгуулах гол шаардлагаа тулгаж байгаа юм. Ийнглакийн нам нь хөдөө аж ахуй түлхүү хөгжсөн тэр дундаа улсын хойд бүс нутагт ийм хөтөлбөр хэрэгжүүлж олонхийн дэмжлэг хүлээсэн тул сөрөг хүчнийхэн энэ хөтөлбөрийг нь ийнхүү гол бай болгож байгаа, Нөгөө талаас энэ хэрэгт Ийнглакийн сайд нарын танхимын хэд хэдэн гишүүд холбогдсон тул засгийн газраа татан буулгахаас өөр аргагүй байдалд хүрээд байгааг зарим улс төрийн ажиглагчид тэмдэглэж байна. Хэрвээ тэдгээр гишүүд гэм буруутай нь нотлогдвол таван жилийн хугацаанд улс төрийн аливаа үйл хэрэгт оролцох эрхийг нь хаах юм. Ингэснээр ирэх хоёр дугаар сард болох сонгуулиар Ийнглакийн нам дийлэнхийн санал дэмжлэгийг авсан ч шинээр засгийн газар эмхлэн байгуулах боломж нь сулрах магадлалтай байгаа юм.