Үндэсний телевиз
Цагийн хүрд
Найм арваннэг
Өнгөрсөн Бямба гарагийн Засгийн газрын ээлжит хуралдаанаар "Үндэсний спортын V их наадам"-ыг орон даяар зохион байгуулахаар шийдвэр гаргажээ. Их наадмыг үндэсний спортын төрлүүдээр орон даяар хоёр үе шаттай явуулах ба эхний шатны тэмцээнийг аймаг, нийслэл, дүүргүүд оны эхний хагас жилд багтаан зохион байгуулахаар болжээ. Их наадмын үндсэн төрөлд багтсан спортын төрлүүдээр улсын хэмжээнд шигшээ тэмцээн зохион байгуулж, медаль хүртсэн тамирчдыг "Үндэсний хэмжээний тэмцээний мөнгөн шагналын хэмжээ, түүнийг олгох журам"-ын дагуу мөнгөн шагналаар шагнана. Их наадмын шигшээ тэмцээнийг Соёл, спорт, аялал жуулчлалын сайдын 2014 оны төсвийн багцаас, I шатны тэмцээний зардлыг аймаг, нийслэл, дүүргийн Засаг даргын төсвийн багцаас санхүүжүүлэх бөгөөд 2014 оны 3 дугаар улиралд багтаан дуусгахаар төлөвлөжээ.
2.Хурдан морины уралдаан
3.Үндэсний сурын харваа (халх, урианхай, буриад, уламжлалт харваа)
4.Шагайн харваа, ширээний шагай
5.Морин спорт (эмнэг булгиулагч, уран уургач, бугуйлч)
6.Тэмээн поло
Тэмээн полоны шигшээ тэмцээнийг 9 дүгээр сард эмнэг булгиулагч, уран уургач, бугуйлчдын тэмцээнтэй хамтатган зохион байгуулах ба хөх ишиг, шагайн харваа, шагай няслах, ширээний шагай, панжиг, хорол, эвэр бухгэх мэт ястны ёс заншил, соёл уламжлалыг агуулсан тоглоом, наадгайн төрлүүдээр аймаг, сум, дүүргүүд орон нутагтаа тэмцээн зохион байгуулж болох ажээ.
| "Үндэсний спортын V их наадам" болно | ||
| Үзсэн: 1873 | Mongolian National Broadcaster |
Шог зураач Л.Мөнхбат
Б.Цоожчулуунцэцэг
Лханаагийн Мөнхтөр
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.