Энэ сарын 13-нд Австралийн Мельбурн хотноо эхэлсэн талбайн теннисний оны анхны “Их дуулга” тэмцээн болох “Австралийн нээлттэй тэмцээн”-ий ганцаарчилсан төрлийн шөвгийн наймын теннисчид эхнээсээ тодроод байна. Тус тэмцээнд 14-т эрэмбэлэгдэн тоглосон Сербийн Ана Иванович дэлхийн тэргүүн теннисчин АНУ-ын Серена Уильямсыг 4:6, 6:3, 6:3-ийн харьцаагаар буулган авснаар хагас шигшээд өрсөлдөх эрхийн төлөө тоглохоор боллоо. Өдгөө 33 настай, мэргэжлийн эмэгтэй теннисчдийн холбооны чансааг тэргүүлж буй Серена Уильямс өнгөрсөн жил хоёр ч "Их дуулга"-ын түрүүг хүртэж байсан. Гэвч энэ удаад ялагдал хүлээж дараа жилийн их дуулгыг хүлээхээс өөр аргагүй боллоо.