АН-ын анхаарал хандуулж байгаа нэг асуудал нь төсвийн тодотголоор царцаасан 243 обьектийн талаарх асуудал бөгөөд аудитын шалгалт хийж дуусч байгаа эдгээр барилгуудын асуудлыг цагаан сарын дараа хуралдаанаар оруулж ирнэ гэдгээ мэдэгдсэн юм. Мөн засгийн газрын цалин, тэтгэврийн нэмэгдлийн талаар авах арга хэмжээг нууцалж байгаа, дэд бүтэцтэй амины орон сууцтай айл өрхүүдийг найман хувийн орон сууцны зээлд хамруулах, дулааны станцгүй есөн аймагт төр, хувийн хэвшилтэй хамтран дэд станцууд барихаар болсон талаараа танилцуулсныг дэмжиж байгаагаа хэллээ. Мөн АН-ын бүлгийн дарга Д.Эрдэнэбат Өрийн удирдлагын тухай хууль, Концессын тухай хууль, Тендерийн тухай хуулиудыг ойрын өдрүүдэд хэлэлцэх нь зүйтэй хэмээн хэллээ. Мөн энэ үеэр сэтгүүлчдийн асуултанд хариулсан бөгөөд АН-ын бүлгийн дарга Д.Эрдэнэбатын хэлснээр одоохондоо Самурай бондтой холбоотой ямар ч мэдээлэл баталгаажаагүй байгаа, Чингис бондын хөрөнгөөр санхүүжүүлэх төслүүдийг сайтар сонгон шалгаруулах хэрэгтэй хэмээн онцолж улс төрийн жижиг намуудыг татан буулгах талаар асуухад “Би жижиг том гэлтгүй бүх намуудыг сэрээхийг хүссэн юм, сэрсэн бол одоо бүгдээрээ хамтарч Сонгуулийн тухай, Намын тухай хуулиудаа хамтдаа баталцгаая” хэмээн мэдэгдлээ.