Үндэсний телевиз
Цагийн хүрд
Найм арваннэг
Монголын боксын ноён оргилын зөвхөн нэг нь болох гавьяат тамирчин Уранчимэгийн Мөнх-Эрдэнэ өнөөдөр ч боксын спортод үнэнч зүтгэсээр явна.
Тэрбээр саяхан болж өнгөрсөн боксын УАШТ-ий 69 кг-д алтан медалийн төлөө Г.Баярхүүтэй өрсөлдөөд 3:2 оноогоор ялагдаж, 36 насандаа мөнгөн медаль хүртлээ.
Түүний үеийн боксчдоос ихэнх нь их спортоо орхисон, зарим нь хэдийнэ дасгалжуулагчийн эгнээнд шилжиж, ирээдүй болсон дүү нартаа боксын эрдэм зааж байгаа. Харин тэр одоо ч залуустай үзэлцсээр явна.
У.Мөнх-Эрдэнэ 2001 онд 19 насандаа Зүүн Азийн аварга болж, Монголын бокст шинэ од төрж байгааг тунхагласан. Азийн АШТ-ээс алт (64 кг, 2011), мөнгө (64 кг, 2013), хүрэл (57 кг, 2002), Азийн наадмаас мөнгө (60 кг, 2006), ДАШТ-ээс хошой хүрэл (64 кг, 2009, 2013), олимпийн наадмын хүрэл (64 кг, 2012) гээд түүнд авч үзээгүй медаль тун цөөхөн. Бокс хэмээх энэ хатуу ширүүн спортоор 1996 оноос хойш тасралтгүй хичээллэж байгаа Афины олимпоос хойш гурван олимпод улсаа төлөөлж, дээрх медалиас гадна Бээжингийн олимпод шагналт V байр эзэлж байв.
| Тэр спортдоо үнэнч зүтгэсээр явна | ||
| Үзсэн: 771 | Mongolian National Broadcaster |
М.Золзаяа
Шог зураач Л.Мөнхбат
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.