Үндэсний телевиз
Цагийн хүрд
Найм арваннэг
Өнөөдөр үдээс өмнө Улсын Их Хурлын чуулганы нэгдсэн хуралдаан боллоо. Чуулганы нэгдсэн хуралдаанаар Эрүүгийн байцаан шийтгэх хуулийн 342 дугаар зүйлийн 342.1 дэх хэсэг Үндсэн хуулийн холбогдох заалтыг зөрчсөн эсэх тухай маргааныг хянан шийдвэрлэсэн Үндсэн хуулийн цэцийн дүгнэлтийг хэлэлцсэн.
Үндсэн хуулийн цэцийн дүгнэлт болон Байнгын хорооны санал, дүгнэлттэй холбогдуулан гишүүдээс асуулт гараагүй тул цэцийн дүгнэлтийг хүлээн зөвшөөрөх нь зүйтэй гэсэн Хууль зүйн байнгын хорооны саналын томъёоллоор санал хураалгахад нэгдсэн хуралдаанд оролцсон 50 гишүүний 33 нь буюу 66 хувь нь, энэ тухай Улсын Их Хурлын тогтоолын төслийг батлах саналыг 72.5 хувь нь дэмжлээ.
Мөн цэцийн дүгнэлтийг хүлээн зөвшөөрсөнтэй холбогдуулан байнгын хорооноос санаачлан боловсруулсан Эрүүгийн байцаан шийтгэх хуульд өөрчлөлт оруулах тухай хуулийн төслийг батлахыг хуралдаанд оролцсон 53 гишүүний 42 нь буюу 79.2 хувь нь дэмжив. Цэцийн дүгнэлтийг хүлээн зөвшөөрөх тухай Улсын Их Хурлын тогтоол, Эрүүгийн байцаан шийтгэх хуульд өөрчлөлт оруулах тухай хуулийн төслүүдийг батлагдсан өдрөөс нь дагаж мөрдөхөөр боллоо.
| Эрүүгийн байцаан шийтгэх хуульд нэмэлт өөрчлөлт оруулна | ||
| Үзсэн: 870 | Mongolian National Broadcaster |
Шог зураач Л.Мөнхбат
Б.Цоожчулуунцэцэг
Лханаагийн Мөнхтөр
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.