Төсвийн байнгын хорооны өнөөдрийн хуралдаанаар эхлээд Аж ахуйн нэгжийн орлогын албан татварын тухай хуульд нэмэлт оруулах тухай хуулийн төслийн анхны хэлэлцүүлгийг хийлээ. Гишүүд асуулт асууж хариулан хэлэлцэж байнгын хорооны хуралдаанд оролцсон гишүүдийн дийлэнх олонх нь хуулийн төслийг дэмжсэн тул анхны хэлэлцүүлгийг чуулганы нэгдсэн хуралдаанд оруулж хэлэлцүүлэхээр шийдвэрлэлээ. Үүний дараа УИХ-ын гишүүн С.Бямбацогт нарын найман гишүүний өнгөрсөн оны гуравдугаар сард өргөн мэдүүлсэн Нэмэгдсэн өртгийн албан татварын тухай хуульд өөрчлөлт оруулах тухай хуулийн төслийн хэлэлцэх эсэх асуудлыг хэлэлцлээ. Мөн Японы олон улсын хамтын ажиллагааны байгууллага /ЖАЙКА/-ын хөнгөлөлттэй зээлээр хэрэгжүүлэх Инженер, технологийн дээд боловсрол төслийн зээлийн хэлэлцээрийн төслийг зөвшилцөх асуудлыг хэлэлцлээ. Зээлийн хэлэлцээрийг Улсын Их Хурлын гишүүн Н.Батбаяр танилцуулж гишүүд Зээлийн гэрээг зөвшилзөх нь зүйтэй гэж үзэн санал, дүгнэлтээ Аюулгүй байдал, гадаад бодлогын байнгын хороонд хүргүүлэхээр боллоо.