Өнөөдөр ихэнх нутгаар солигдмол үүлтэй. Баруун зүгийн нутгийн зүүн, төв болон зүүн зүгийн нутгийн хойд хэсгээр бага зэргийн цас орно. Салхи баруун хойноос секундэд 5-10 метр, говь талын нутгаар секундэд 12-14 метр хүрч шороон болон цасан шуурга шуурна.

 

Их нууруудын болонДархадын хотгор, Хүрэн бэлчир, Идэр, Тэс голын сав газраар 26-31 градус, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Улз голын сав газраар 20-25 градус, говийн бүс нутгийн өмнөд хэсгээр 6-11 градус, бусад нутгаар 13-18 градус хүйтэн байна.

 

Харин Улаанбаатар хотод үүл багасна, цас орохгүй. Салхи баруун хойноос секундэд 6-11 метр. 20-22 градус хүйтэн байна. Өнөө шөнө говь болон зүүн зүгийн нутгаар, маргааш Дорнод Дарьгангын тал нутгаар цасан шуурга шуурч ихэнх нутгаар хүйтний эрч эрс чангарахыг онцгой анхааруулж байна.

 

5-нд баруун зүгийн нутаг, төвийн нутгийн баруун хэсгээр, 6-нд баруун, төв, говийн нутгаар цас орж явган шуурга шуурна. Салхи ихэнх нутгаар секундэд 5-10 метр.

 

Ихэнх хугацаанд хүйтэн Их нууруудын болон Дархадын хотгор, Хүрэн бэлчир, Идэр, Тэс голын сав газраар шөнөдөө 39-44 градус, өдөртөө 27-32 градус, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын сав газраар шөнөдөө 33-38 градус, өдөртөө 22-27 градус, говийн бүс нутгийн өмнөд хэсэг, цас багатай энгэр ээвэр газраар шөнөдөө 18-23 градус, өдөртөө 8-13 градус, бусад нутгаар шөнөдөө 25-30 градус, өдөртөө 14-19 градус хүйтэн байна.

 

4-нөөс нутгийн өмнөд хэсгээр хүйтний эрч бага зэрэг суларна гэж Ус цаг уур, орчны шинжилгээний газраас мэдээллээ.