Нийгэм, улстөрийн салбарын “Шилдэг залуу 50 улс төрч”-ийг олон нийтийн санал асуулгаар тун удахгүй тодруулах гэж байна. Энэхүү төслийг Монголын үндэсний тэргүүлэгч сайт ZALUU.COM болон Сонгуулийн Менежментийн Төв хамтран хэрэгжүүлж байгаа бөгөөд өнгөрөгч долоо хоногийн Баасан гарагт санал асуулгаа явуулж эхэллээ.

 

“Шилдэг залуу 50 улс төрч”-ийг шалгаруулах энэхүү арга хэмжээ гурав дахь удаагаа амжилттай хэрэгжиж буй нэр хүндтэй, хамгийн шударгаар хэрэгждэг томоохон төсөл билээ. Уг төслийн хүрээнд тухайн үед тодорч байсан шилдэг залуус өнөөдрийн түшээд болцгоосон нь түмэн олны өгсөн санал буруу байгаагүйг илтгэнэ.

 

Өнөөдрийн байдлаар манай улсын 300 гаруй шилдэг залуучууд тус төсөлд нэр дэвшээд байна. I шатны олон нийтийн санал асуулга 2014 оны 2-р сарын 14-ний өдрийг хүртэл явагдана. Өмнөх шатны санал асуулгаар хамгийн их санал авсан 100 залуу улс төрч төгсгөлийн шатны санал асуулгад оролцох юм. Харин төгсгөлийн шатны санал асуулга 2014 оны 2-р сарын 15-ныг хүртэл явагдаж, “Шилдгийн шилдэг 5 улс төрч”, “Шилдэг 50 улс төрч”-ийг олон нийтийн санал асуулгыг үндэслэн зохион байгуулагчдын зүгээс тодруулан нийтэд зарлах гэнэ. Дараагийн шилдэг улстөрчид хэн байх бол та бүхэн нэрлээрэй.