Нийгмийн даатгалын сангаас тэтгэвэр авагчдын тэтгэврийн нэмэгдэлд  зориулан энэ онд 89,0 орчим тэрбум төгрөгийг зарцуулах төсвийг Нийгмийн даатгалын сангийн  төсөвт тусгасан. Төсөвт батлагдсан хөрөнгөд багтаан Нийгмийн даатгалын сангаас олгох болон цэргийн албан хаагчдын тэтгэврийн хэмжээг нэмэгдүүлэхээр Засгийн газраас нэгдүгээр сарын 18-ны өдөр тогтоол гаргажээ. Засгийн газрын тогтоолоор хоёрдугаар сарын нэгнээс эхлэн 200,0 мянга хүртэлх төгрөгийн тэтгэврийг 27,0 мянган төгрөгөөр, 600,0 мянга хүртэлх төгрөгийн тэтгэврийн хэмжээг 22,0 мянган төгрөгөөр, 600,0  мянган төгрөгөөс дээш тэтгэврийн хэмжээг 20,0 мянган төгрөгөөр тус тус нэмэгдүүлж, бүрэн тэтгэврийн доод хэмжээг 207,3 мянган төгрөгөөр, хувь тэнцүүлсэн тэтгэврийн доод хэмжээг 172,2 мянган төгрөгөөр шинэчлэн тогтоолоо.