Дэлхийн улс орнуудын тэргүүнүүд маш найдвартай, хакердах боломжгүйгээс гадна чагнахаас сэргийлсэн нэмэлт хамгаалалттай гар утас барьдаг. Иймд дараах байдлаар танилцуулья.

Дональд Трамп – “iPhone”

АНУ-ын Ерөнхийлөгч Дональд Трамп 2017 он хүртэл таван жилийн турш “Samsung Galaxy S III” утастай байсан. Харин тангараг өргөсний дараа тэр тусгай албаны ажилтнуудын зөвлөснөөр өөрийн “Galaxy S III”-г “Apple iPhone” блгож сольжээ. Мэдээж хакердах, чагнахаас сэргийлсэн хамгаалалттай, аюулгүйн үүдээс “Айфон”-ы ямар загвар гэдгийг олон нийтээс нуудаг.

Эммануэль Макрон – “Teorem”

Францын Ерөнхийлөгч Эммануэль Макрон харин “Thales” хэмээх цэргийн компанийн маш өндөр хамгаалалттай “Teorem” утас ашигладаг. Тэр өөрийн аюулгүй байдалд маш их анхаардаг. Тэр тусмаа утсаар болгоомжтой ярьдаг. Яагаад гэвэл ОХУ-д толгой хоргодож буй экс тагнуул Эдвард Сноудены мэдээлснээр Жак Ширак, Николя Саркози нарын утсыг чагнадаг байжээ. Түүнчлэн Макрон хувийн хэрэгцээндээ бас “iPhone”, “Samsung Galaxy S7 edge” хэрэглэдэг. Мөн тусгай хамгаалалттай.

Ким Чен Ун – “HTC”

БНАСАУ-ын тэргүүн Ким Чен Уны бүх зүйл маш нууц. Ялангуяа гар утас нь. Тэр хаа ч явсан утасныхаа гадуур том кейстэй. Гэхдээ л Өмнөд Солонгосын "Джунган ильбо" сонин олж мэджээ. Тус сонины мэдээлж буйгаар III Ким үнэндээ Тайваний “HTC” компаний гар утастай гэнэ.

Тереза Мэй – “Айфон”

Английн экс Ерөнхий сайд Тереза Мэй удаан хугацааны турш “Blackberry” барьсан ч хожмоо “iPhone” болгожээ. Канадын компанийн орлого эрс буурч эхэлмэгц “Blackberry” үйлдвэрлэхээ больж бусад фирмд лицензээ өгсөн. Яг энэ үеэр Мэй мөн л дасал болсон утсаа өөрчилсөн гэсэн.

Ангела Меркель – “Blackberry”

ХБНГУ-ын канцлер Ангела Меркель уг нь “Nokia 6260” утас барьж байснаа “Blackberry Z10” болгож өөрчилсөн. “WikiLeaks” сайт “Германы өндөр албан тушаалтай 125 хүний гар утсыг АНУ-ын тусгай албаныхан чагнадаг” гэсэн дуулиант мэдэгдлийн дараа Ангела Меркель аюулгүй байдлаа дээшлүүлэхийн тулд өмнөх утсаа ийнхүү сольжээ. Түүний “Blackberry Z10” утсанд чагнахаас хамгаалдаг төхөөрөмжөөс гадна аюулгүй холбогдох Secusmart крипточиптэй.