Өнгөрсөн сард Сүхбаатар аймгийн Онгон суманд илэрсэн шүлхий өвчин өнөөдрийн байдлаар Сүхбаатар аймгийн Онгон, Наран, Дарьганга, Баяндэлгэр,Түвшинширээ, Асгат сум,  Хэнтий аймгийн Галшар сум, Дорноговь аймгийн Алтанширээ, Дэлгэрэх, Иххэт, Сайншанд, Айраг сумдад нийт 2.812  үхэр шүлхий өвчнөөр өвчилснөөс 2.803 үхрийг зориудаар устгаж, дээрхи сумдын нийт 2.1737.92 толгой малд шүлхий өвчнөөс урьдчилан сэргийлэх  вакцин хийж, хорио цээрийн дэглэм тогтоогоод байна.
 
Нийслэлийн Онцгой комиссоос мэдээлснээр Нийслэлд  шүлхий өвчин зөөвөрлөгдөн орж ирэхээс урьдчилан сэргийлэх зорилгоор нийслэлийн Засаг дарга, нийслэлийн онцгой комиссын даргын шийдвэрээр Улаанбаатар хот руу орох авто тээврийн шалган бүртгэх товчоодод байнгын хяналтын долоо, ариутгал халдваргүйжүүлэлтийн дөрвөн цэг 24 цагийн турш ажиллаж байгаа аж.
 
Мөн Дорноговь аймгийн Айраг, Сайншанд сумдад олон улсын хорио цээрт мал, амьтаны гоц халдварт шүлхий өвчин гарсан учраас аймгийн Онгцой комиссын шийдвэрээр хорио цээрийн дэглэм тогтоож Улаанбаатар-Сайншанд, Улаанбаатар- Замын-Үүд чиглэлд суудлын автомашин болон таван тонноос доош даацын тээврийн хэрэгслийн хөдөлгөөнийг 2014 оны хоёрдугаар сарын 24-ний өдрөөс эхлэн хязгаарлаж байна.