Үндэсний телевиз
Цагийн хүрд
Найм арваннэг
Онцгой байдлын ерөнхий газрын мэдээлснээр өнөөдрийн байдлаар Сүхбаатар аймгийн зургаан сум Дорноговь аймгийн таван сум, Хэнтий аймгийн нэг суманд нийт 3.165 үхэр шүлхий өвчнөөр өвчилснийг зориудаар устгаж, дээрх сумдын нийт 2.278.022 толгой малд шүлхий өвчнөөс урьдчилан сэргийлэх вакцин хийжээ. Өмнөх өдрөөс Сүхбаатар аймагт 17, Дорноговь аймагт долоо, нийт 24 үхэр нэмж өвчилснийг устгаж, 1.928 малыг нэмж вакцинжуулсан байна.
Улаанбаатар хот орчмын Хэрлэн, Багахангай, Тэрэлжийн уулзвар, дөрөвдүгээр зөрлөг, Эмээлт, Яармаг, Баруун туруун, Нисэхийн товчоодод байнгын хяналтын найм, ариутгал халдваргүйжүүлэлтийн дөрвөн цэгт холбогдох мэргэжлийн байгууллагууд 24 цагийн турш хяналт тавин ажиллаж байна.
Мөн Шүлхий өвчнөөс урьдчилан сэргийлэх зорилгоор нийслэлд байгаа 297.767 толгой малыг вакцинжуулах аж. Нийслэлийн Мал эмнэлгийн газрын өчигдрийн 20:00 цагийн мэдээгээр нийслэлийн есөн дүүргийн 176 өрхийн 7869 малыг вакцинжуулсан бөгөөд вакцинжуулах ажил үргэлжилж байгаа аж.
| Хоёр сая гаруй толгой малыг вакцинжуулжээ | ||
| Үзсэн: 1684 | Mongolian National Broadcaster |
Б.Баярсайхан
У.Баярсайхан
М.Золзаяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.