Үндэсний телевиз
Цагийн хүрд
Найм арваннэг
Сонирхогчдын боксын эрэгтэйчүүдийн ДАШТ өнөөдөр ОХУ-ын Екатеринбург хотноо эхэлж байна.
Энэ сарын 21 хүртэл үргэлжлэх уг тэмцээнд 78 орны 365 тамирчин найман жинд оролцох юм.
Олимпийн шинэчилсэн жингээр явагдаж байгаа тус ДАШТ-ий сугалаа, тэмцээний нээлтийн ёслол өчигдөр явагджээ.
Манай улсаас ДАШТ-д долоон боксчин оролцож буй бөгөөд тэднээс хамгийн түрүүнд 75 кг-ийн Д.Давааням өнөөдөр рингэнд гарч Узбекистаны Ф.Кахрамоновтой тулалдана.
Харин маргааш 81 кг-ийн жинд Н.Шинэбаяр Узбекистаны Д.Рузметовтой, 91 кг-ийн С.Эрдэнэбаяр Словакийн Д.Михалектай тус тус эхний даваанд өрсөлдөх юм.
Хөнгөн жингийн дөрвөн боксчин маань дөрвүүлээ эхний даваанд гоц мөргөжээ.
Улмаар 52 кг-д ОУХМ Х.Энхмандах есдүгээр сарын 14-нд Казахстаны С.Бибоссиновтой, 57 кг-д жингийнхээ гуравдугаарт эрэмбэтэй ОУХМ Э.Цэндбаатар есдүгээр сарын 15-нд Кыргызстан-Беларусийн хэн хожсонтой нь, 63 кг-д жингийнхээ дөрөв дэх чансаатай ОУХМ Б.Чинзориг есдүгээр сарын 14-нд Палестин-Хятадын хэн ялсантай нь, 69 кг-д спортын мастер Г.Баярхүү есдүгээр сарын 16-нд Украин-Тайванийн хэн ялсантай нь тус тус анхны тулаанаа хийнэ.
| Сонирхогчдын боксын ДАШТ өнөөдөр эхэлж байна | ||
| Үзсэн: 565 | Mongolian National Broadcaster |
М.Золзаяа
Шог зураач Л.Мөнхбат
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.